Instalatzaile-enpresa · Urnieta, Gipuzkoa
Instalazio elektrikoak eta klimatizazioa Gipuzkoan
Argiola behe-tentsioan eta instalazio termikoetan gaitutako instalatzaile-enpresa da. Instalazio berriak, mantentze-lanak eta konponketak bizitegi-eraikin, merkataritza-lokal eta hirugarren sektorerako, proiektu bakoitzak behar dituen baliabide tekniko eta giza baliabideekin.
-
Instalatzaile-enpresa gaitua
Behe-tentsioa: 20/EIBT-1913 zk. Instalazio termikoak: 20/EIT-566 eta 20/EMT-422 zk.
-
Aurrekontua idatziz
Hasi aurretik itxita. Jartzen duena da ordaintzen dena.
-
Edozein tamainatako lanak
Matxura batetik eraikin oso baten instalazioraino.
-
Faktura eta bermea
Lan bakoitzarena, materialak zehaztuta.
Elektrizitatea
Behe-tentsioko instalazio elektrikoak
Instalazio berriak egitea, mantentzea eta konpontzea bizitegi-eraikinetan, merkataritza-lokaletan eta hirugarren sektorean.
-
Instalazio berriak
Instalazio elektriko osoa egitea, obra berrian eta erreformetan, espazio bakoitzaren benetako erabilerarako neurtua.
- Etxebizitzak eta bizitegi-eraikinak
- Merkataritza-lokalak, bulegoak eta hirugarren sektorea
- Koadro, linea eta zirkuitu berriak
-
Mantentze-lanak
Dauden instalazioen aldizkako berrikuspena eta eguneratzea, seguru izaten jarrai dezaten eta huts egin ez dezaten.
- Mantentze prebentiboa eta zuzentzailea
- Komunitateak, lokalak eta bulegoak
- Koadroak eta babesak berritzea
-
Matxurak eta konponketak
Akatsa aurkitu, zergatia argi azaldu eta konpondu.
- Salto egiten duten diferentzialak eta magnetotermikoak
- Zirkuitulaburrak eta deribazioak
- Entxufeak, etengailuak eta argi-puntuak
-
Argiztapena
Argiaren azterketa eta instalazioa, barruan eta kanpoan.
- LEDera aldatzea
- Lokalak, bulegoak eta erakusleihoak
- Atariak, garajeak eta lorategiak
-
Instalazio-ziurtagiriak
Banatzaileak eskatzen duen buletin elektrikoa.
- Hornidura berri baten alta
- Potentzia handitzea
- Instalazioaren aurretiko berrikuspena
-
Ibilgailuen karga eta energia berriztagarriak
Kargaguneak eta autokontsumorako instalazioak, beren linea, babes eta legeztapenarekin.
- Kargaguneak garaje partikular eta komunitarioetan
- Plaka fotovoltaikoak autokontsumorako
- Potentzia txikiko energia eolikoa
Beste lan elektriko bat? Galdetu konpromisorik gabe.
Konfort termikoa
Aire girotua eta aerotermia
Argiola eraikinetako instalazio termikoen instalatzaile eta mantentzaile enpresa da. Konfort termikoa etxebizitza eta merkataritza-lokaletarako.
-
Aire girotua
Hotza eta beroa etxebizitza eta lokaletan, espazio bakoitzak eskatzen duen ekipoarekin.
- Split eta multisplit
- Hodiak eta cassette lokaletarako
- Ekipo zaharrak ordezkatzea
-
Aerotermia
Berokuntza, hozketa eta ur beroa, eraginkortasun handiko instalazio bakar batekin.
- Gas edo gasolio galdarak ordezkatzea
- Zoru erradiatzailea eta erradiadoreak
- Obra berria eta dauden etxebizitzak
-
Mantentze termikoa
Instalazio termikoen berrikuspenak eta mantentze-lanak, erregelamenduaren arabera.
- Nahitaezko aldizkako berrikuspenak
- Garbiketa eta hozgarriaren kontrola
- Matxuren konponketa
Norentzat
Bizitegiak, merkataritza eta hirugarren sektorea
Proiektuaren tamaina aldatzen da. Idatzizko aurrekontua, epea eta arreta berdinak dira.
-
Bizitegi-eraikinak
Etxebizitzak, erreformak eta auzokideen komunitateak: pisu batetik eraikin oso baten gune komun eta garajeetaraino.
-
Merkataritza-lokalak
Negozio bat ireki, berritu edo handitzeko instalazioak, gainerako gremioekin eta obraren epeekin koordinatuta.
-
Hirugarren sektorea
Bulegoak, ostalaritza eta zerbitzu-eraikinak. Elektrizitatea eta klimatizazioa, proiektu bakoitzak eskatzen dituen baliabideekin.
Lan egiteko modua
Metodo bat, beti bera
Lau urrats, hasieratik jakiteko zer egingo den, zenbat kostatzen den eta noiz egongo den amaituta.
-
Kontsulta
WhatsAppez edo telefonoz. Koadroaren edo matxuraren argazki batek lana bideratzen laguntzen du.
-
Bisita
Instalazioa bertan berrikustea, zer egin behar den eta zer ez den behar ikusteko.
-
Aurrekontua
Idatziz, partidak zehaztuta eta aurreikusitako epearekin.
-
Lana
Adostutako epean, bezeroaren aurrean egiaztatuta eta lantokia jasota.
Enpresa
Argiola, instalatzaile-enpresa Urnietan
Behe-tentsioan eta eraikinetako instalazio termikoetan gaitutako instalatzaile-enpresa. Solaskide bakar batek bideratzen du proiektu bakoitza hasieratik amaierara, eta atzean daude edozein tamainari erantzuteko baliabide teknikoak eta giza baliabideak: konponketa batetik eraikin oso baten instalazioraino.
Izena bi zatik osatzen dute: argi eta -ola, zerbait lantzen den lekua adierazten duen atzizkia, burdinola hitzean bezala. Argiola, argiaren tailerra.
- Egoitza
- Urnieta, Gipuzkoa
- Elektrizitatea
- Behe-tentsioko instalatzaile-enpresa (REBT), 20/EIBT-1913 zk.
- Termikoa
- Eraikinetako instalazio termikoen instalatzaile-enpresa (RITE), 20/EIT-566 zk., eta mantentzailea, 20/EMT-422 zk.
- Hizkuntzak
- Euskara eta gaztelania
Lan-eremua
Urnieta eta Gipuzkoa osoa
Egoitza Urnietan dagoenez, ohiko joan-etorriak inguruko udalerrietara dira. Gipuzkoako gainerako lekuetarako, galdetu.
- Urnieta
- Hernani
- Andoain
- Lasarte-Oria
- Astigarraga
- Donostia
- Usurbil
- Villabona
- Tolosa
Ohiko galderak
Ohiko zalantzak
Zurea ez badago, argitzeko modurik azkarrena idaztea edo deitzea da.
Aurrekontua egiten da hasi aurretik?
Bai, beti eta idatziz. Partidak, materialak eta aurreikusitako epea jasotzen ditu. Lanean zehar aurretik ikusi ezin zen zerbait agertzen bada, abisatu eta adostu egiten da jarraitu aurretik.
Zer tamainatako proiektuak hartzen ditu Argiolak?
Etxebizitza bateko matxura batetik bizitegi-eraikin, lokal edo zerbitzu-eraikin baten instalazio elektriko edo klimatizazio osoraino. Proiektu bakoitza behar dituen baliabide tekniko eta giza baliabideekin neurtzen da, eta beti solaskide bakar batekin.
Diferentzialak salto egiten dit. Zer egin dezaket?
Deskonektatu aparatuak eta igo berriro. Eusten badio, konektatu banan-banan: salto eginarazten diona da huts egiten duena. Ezer konektatu gabe salto egiten badu, arazoa instalazioan dago eta berrikustea komeni da.
Noiz komeni da koadro elektrikoa aldatzea?
Oraindik fusibleak dituenean edo diferentzialik ez duenean, berotzen denean edo erre-usaina duenean, edo etxebizitza handitu eta zirkuituak motz geratu direnean. Gaur egungo koadro batek pertsonak eta aparatuak babesten ditu.
Zer da buletin elektrikoa eta noiz eskatzen dute?
Instalazio Elektrikoaren Ziurtagiria da. Instalazioak erregelamendua betetzen duela egiaztatzen du. Banatzaileak eskatzen du hornidura berri bati alta emateko eta, askotan, potentzia handitzeko edo hornidura zahar bat berriro aktibatzeko.
Zer da aerotermia eta noiz merezi du?
Kanpoko airetik energia hartzen duen bero-ponpa bat da, berokuntza, hozketa eta ur beroa emateko. Galdara batek edo erradiadore elektrikoek baino askoz energia gutxiago kontsumitzen du. Batez ere gas edo gasolio galdara bat ordezkatzean merezi du, obra berrian eta, gainera, plaka fotovoltaikoak dituzten etxebizitzetan.
Kontaktua
Eskatu aurrekontua
Kontatu zer behar duzun eta, ahal baduzu, bidali koadroaren edo matxuraren argazki bat. Erantzuna jasoko duzu hurrengo urratsekin.
- Telefonoa eta WhatsApp
- 651 676 670
- Posta elektronikoa
- info@argiola.es
- Lan-eremua
- Urnieta eta Gipuzkoa
- Hizkuntzak
- Euskara eta gaztelania